8 de febrero de 2025
Imaxe: MANU BOUTUREIRA.
Deportivo Liceo e Barcelona enfrontaranse nun novo Clásico (domingo 9, 16:00h).
É a hora dun novo Clásico. O Palau Blaugrana vestirase este domingo (16:00h) coas súas mellores galas para ser o escenario do duelo entre Barcelona e Deportivo Liceo, primeiro e segundo clasificado da OK Liga na súa Fase Regular. Un que estará dirixido polos árbitros Miguel Díaz Cosme e Luis Mier Sánchez, con David Pedrola Valls como auxiliar.
Este partido poderase ver en directo e totalmente de balde grazas ó streaming de OK LIGA TV (canle de YouTube), tal e como ocorre en todas as xornadas da competición.
Un gran obstáculo en medio dun bo momento
O duelo na casa do Barça suporá unha proba de alto nivel para Juan Copa e os seus xogadores, inmersos no que probablemente é o mellor momento da tempada. Actuais segundos da OK Liga con 36 puntos, os verdibrancos acumulan ata cinco encontros sen encaixar un só gol xuntando tanto a competición doméstica como a WSE Champions League.
Tanto Liceo como Barça veñen de disputar Champions o pasado xoves
Aínda que será unha circunstancia que comparte co Barcelona, unha das dificultades do Liceo para esta viaxe consistirá no factor físico. O obxectivo será recuperarse do esforzo europeo adicado este xoves para vencer ó Dinan Quévert, pero serviu para confirmar a clasificación matemática para os Cuartos de Final con dúas datas de antelación.
Continúa a baixa de Pablo Cancela
Juan Copa viaxará a Barcelona co mesmo equipo que comezou a tempada, todavía sen a disponibilidade de Pablo Cancela pola súa lesión no ligamento cruzado do xeonllo. Tato Ferruccio, afectado tamén por unha pubalxia durante decembro e xaneiro, xa está recuperado e vén de acumular protagonismo nos dous últimos duelos do equipo.
Así as cousas, os dez xogadores que se enfrontarán ó Barça serán os seguintes:
- Martín Rodríguez | Porteiro, dorsal 1
- Martí Serra | Porteiro, 10
- Nil Cervera | 2 | 4 goles en OK Liga
- Arnau Xaus | 3 | 17 goles en OK Liga e 3 en Champions
- César Carballeira | 5 | 10 goles en OK Liga e 4 en Champions
- Jacobo Copa | 7 | 4 goles en OK Liga e 1 en Champions
- Dava Torres | Capitán, 8 | 7 goles en OK Liga e 2 en Champions
- Fabri Ciocale | 9 | 4 goles en OK Liga e 1 en Champions
- Bruno Saavedra | 13 | 5 goles en OK Liga e 3 en Champions
- Tato Ferruccio | 77 | 1 gol en OK Liga e 3 en Champions
Tras esta 17º xornada de OK Liga chegará unha semana limpa sen compromisos europeos. O seguinte será doméstico coa visita a Riazor do Igualada (domingo 16, 12:00h).
Duelo contra o líder
Falar do Barça é facelo dunha das potencias a nivel nacional e continental. Dirixido este ano por David Cáceres, ata o momento suma un pleno de triunfos en tódolos partidos da OK Liga. Peor está rendindo na Champions, da que vén de empatar in extremis contra o Barcelos. A súa loita por non caer eliminados en Fase de Grupos continúa viva.
O plantel, con algún exliceísta como os irmáns Grau, presenta perigo en tódolos seus frontes. Un bo nivel na portería e outro mellor en canto a capacidade goleadora, unha que se reparte de forma xenerosa entre tódolos xogadores: salvo Aragonès, todos anotaron tanto en Liga como en Europa con cifras nada desdeñables.
Estes serán os homes que xogarán ante o Liceo, a falta dun descarte que deberá realizar Cáceres:
- Sergi Fernández | Porteiro, dorsal 10
- Carles Grau | Porteiro, 58
- Ignacio Alabart | 3 | 11 goles en OK Liga e 7 en Champions
- Matías Pascual | 4 | 3 goles en OK Liga e 3 en Champions
- Pablo Álvarez | 7 | 18 goles en OK Liga e 5 en Champions
- Ferran Font | 24 | 20 goles en OK Liga e 5 en Champions
- Xavi Barroso | 26 | 3 goles en OK Liga e 4 en Champions
- Marc Grau | 28 | 12 goles en OK Liga e 3 en Champions
- Sergi Llorca | 44 | 8 goles en OK Liga e 2 en Champions
- Sergi Aragonès | 55 | 3 goles en OK Liga
- Eloi Cervera | 72 | 2 goles en OK Liga e 2 en Champions
