A OK Liga non se detén. Non só iso, senón que se acelera. O Deportivo Liceo de Juan Copa deberá afrontar dúas probas durante esta semana e a primeira delas será no Pavelló Municipal de Arenys de Munt (martes 20, 21:00h, canle de YouTube de OKLIGA.TV).
Significará a segunda saída dentro dunha competición que, polo de agora, non pode ser máis positiva. O conxunto verdibranco conta os seus dous encontros contra Voltregà (3-4) e Girona (6-1) por vitorias, así que é un dos cinco (xunto a Barça, Alcoi, Noia e Reus) que suman seis puntos nesta ceda clasificación. A visita á pista do ascendido Arenys terá como obxectivo convertilos en nove.
Unha vez superado este choque, o Liceo volverá rápidamente á Coruña para preparar o duelo en casa ante o PHC Sant Cugat. Será a cuarta xornada regular de competición (venres 23, 21:30h).
Convocatoria sen baixas
Unha das boas novas residirá, outra vez, na lista de chamados. Juan Copa poderá contar con tódolos seus homes por terceira xornada consecutiva.
![](https://www.hockeyclubliceo.com/wp-content/uploads/2022/09/Cesar.jpeg)
![](https://www.hockeyclubliceo.com/wp-content/uploads/2022/09/Cesar.jpeg)
Polo tanto, os ocupantes da viaxe hacia Arenys de Munt serán Martí Serra, Mati Bridge, Bruno Di Benedetto, César Carballeira, Dava Torres, Fabri Ciocale, Sito Ricart, Arnau Canal, Àlex Rodríguez y Fran Torres.
Son os protagonistas dun bo rendemento colectivo que se demostra co reparto dos goles marcados. Bastaron dous choques para que lograran ver porta ata cinco xogadores: César Carballeira (pichichi actual con tres), Arnau Canal, Bruno Di Benedetto, Àlex Rodríguez (todos con dous tantos) e o capitán Dava Torres (unha diana).
Contra a ilusión dun ascendido
No seu Pavelló agardará o Arenys de Munt, un dos recén ascendidos da presente OK Liga. Os seus dous partidos resultaron nun punto sumado: táboas na casa ante o Sant Cugat (4-4) e derrota na dura pista do Noia (6-2).
O equipo dirixido por Enric Daumal tamén se caracteriza por un gol ben repartido, aínda que a cifra total é menor á liceísta. Os seus seis tantos a favor, contra os dez dos coruñeses, tamén teñen a sinatura de cinco xogadores: Marc Pujadas (dous), Aleix Domenech, Arnau Font, Lluc Vilà e o ex do Noia Alex Joseph (todos con un).