Entradas para o duelo entre Deportivo Liceo e Girona (OK Liga 22/23, xornada 2)

O público xeral poderá asistir ó partido por un módico prezo de 5 euros (sábado 17, 18:00h, Pazo dos Deportes de Riazor).

Imaxe: MÓNICA ARCAY.

A OK Liga regresa a Riazor e non hai excusa algunha para non acudir á defensa do título. Deportivo Liceo e Girona disputarán no Pazo dos Deportes (sábado 17, 18:00h) a segunda xornada do curso 22/23, accesible para todo aquel que busque unha gran tarde de hockey sobre patíns e de liceísmo.

O público xeral terá a posibilidade de formar parte da familia verdibranca por un inmellorable prezo de 5 euros. Poderá adquirir a súa entrada dixital a través deste link de CLUBER. Unha vez chegado ó Pazo, o seu poseedor simplemente deberá ensinar o código QR da mesma ós encargados das portas.

Como non pode ser doutro xeito, os socios do Deportivo Liceo e os abonados beneficiarios do convenio co Real Club Deportivo entrarán gratuitamente ensinando os seus carnets.

Agardámosvos en Riazor!

Share on facebook
Share on twitter
Share on linkedin
Share on pinterest

Deixa un comentario