Visita a Fiateira Motor, concesionario oficial da Copa do Rei e da Raíña 2021

O plantel do Deportivo Liceo acudiu ás instalacións da Grela a falta de cinco días para o comezo da competición.

Imaxe: HOCKEY GLOBAL (Mónica Arcay).

O Deportivo Liceo visitou a Fiateira Motor, concesionario oficial da Copa do Rei e da Raíña 2021. Nas instalacións situadas no Polígono da Grela, os xogadores e a directiva do club compartiron a mañá xunto ós seus responsables e fixeron conxura de cara ós intensos días de competición que agardan.

A escasas xornadas do inicio do evento, que terá lugar no Pazo dos Deportes do 10 ó 13 de xuño, os liceístas recibiron a maior das sortes por parte do equipo de Fiateira Motor. A modo de obsequio, o concesionario tamén recibiu un stick asinado por tódolos xogadores do plantel.

O equipo dirixido por Juan Copa comezará o seu camiño no torneo o xoves 10 (día da inauguración) ás 20:45h, data na que se enfrontará ó CP Voltregà.

Podes ver a GALERÍA COMPLETA de imaxes da visita, obra de HOCKEY GLOBAL, na nosa páxina oficial de Facebook.

Share on facebook
Share on twitter
Share on linkedin
Share on pinterest

Deixa un comentario