Stage en Portugal con tres amigables no radar

O Deportivo Liceo viaxará ao país luso o vindeiro 27 de agosto para disputar tres encontros de proba.
Imaxe: Manu Boutureira.

Imaxe: Manu Boutureira.

O Deportivo Liceo realizará un stage de pretempada en Portugal co obxectivo de foguear ó plantel do próximo curso. O equipo comandado por Juan Copa permanecerá catro días en terras portuguesas, onde se enfrontará con tres equipos locais: Óquei Clube de Barcelos, Associaçao Desportiva de Valongo e o poderoso FC Porto.

A expedición do Liceo sairá de A Coruña o vindeiro xoves 27 de agosto con dirección Barcelos. Ese mesmo día terá lugar o primeiro amigable do stage, a disputar contra o equipo local ás 21:00h (hora española). Os dous restantes terán lugar o sábado día 29 ante a AD Valongo (19:00h, hora española) e o domingo día 30 ante o Porto (13:30h, hora española). O Liceo regresará a Galicia tras a disputa deste último compromiso.

En resumo, o calendario do stage é o seguinte (sempre con horas españolas):

  • XOVES 27: Saída desde A Coruña con dirección Barcelos (Portugal). Partido ás 21:00h ante o equipo local.
  • VENRES 28: Día libre.
  • SÁBADO 29: Partido ante a Associaçao Desportiva de Valongo (19:00h).
  • DOMINGO 30: Partido ante o FC Porto (13:30h). Regreso a Galicia unha vez finalice.
Share on facebook
Share on twitter
Share on linkedin
Share on pinterest

Deixa un comentario