Renovación e cesión para Fabri Ciocale

Fabri amplía o seu compromiso co Liceo e sae cedido ao HC Braga.
Cesión Fabri Ciocale

A etapa como liceísta de Fabri Ciocale (Buenos Aires, 1998) vivirá un pequeno paréntese. O xogador arxentino deixará A Coruña de forma temporal para disputar a presente tempada a préstamo no Hóquei Clube Braga, previa renovación co DEPORTIVO LICEO. Portugal será un lugar para seguir medrando.

Formado nas filas de Vélez Sarsfield, Ciocale chegou a A Coruña en 2016 para defender a elástica verde. Ó mesmo tempo, vestía a albiceleste en diversas competicións internacionais.

A pesar do movemento, o arxentino continúa a ser unha grande aposta de futuro para o clube. Toda a familia liceísta deséxalle a maior das sortes neste breve alto no camiño que, sen dúbida, rematará con Fabri vestindo de novo as cores do Deportivo Liceo.

Share on facebook
Share on twitter
Share on linkedin
Share on pinterest

Deixa un comentario