A tempada dos campións de OK Liga contou co debido recoñecemento da Real Federación Española de Patinaxe. O organismo, trala deliberación do seu xurado, decidiu premiar a catro integrantes do Deportivo Liceo: Juan Copa, Carles Grau, Roberto Di Benedetto e Dava Torres.
O adestrador máis valioso para a RFEP foi o verdibranco, mentres que o meta catalán gaña o premio Carles Trullols.
O francés Di Benedetto foi nomeado MVP da OK Liga 22/23. Os seus 17 goles e 20 asistencias axudaron ó Deportivo Liceo a alzarse co título de campión. Dava Torres, gran capitán do equipo, tamén foi incluido no quinteto inicial que completan o barcelonista Pau Bargalló, o reusense Marc Julià e os propios Di Benedetto e Grau.
Os premios entregaranse durante a presentación da OK Liga 22/23, a celebrar o vindeiro mes de setembro.
