11 de marzo de 2025
Os xogadores do Deportivo Liceo forman parte da prelista de Pere Varias.
O seleccionador español absoluto e sub-23, Pere Varias, xa ten a súa prelista para o inminente Europeo desta segunda categoría. Nela atópanse dous xogadores do Deportivo Liceo: Jacobo Copa e Nil Cervera.
Tanto Jacobo como Nil concentraranse en Sant Sadurní do 7 ó 11 de abril, e unha vez termine darase a coñecer o equipo definitivo que disputará o Europeo. O mesmo xogarase do 14 ó 19 na propia localidade catalana. Inmersa no Grupo A, España enfrontarase a Suiza, Italia e Portugal.
