6 de xaneiro de 2024
O Deportivo Liceo de Juan Copa clausurará a primeira volta no Olímpic de l’Ateneu.
Un resultado positivo oficializaría a clasificación do equipo para a vindeira Copa do Rei.
Rematan as festas e volve a OK Liga. O sétimo día do novo 2024 levará ó Deportivo Liceo de Juan Copa a Sant Sadurní, localidade de hockey dominada polo Noia. A primeira volta de competición pecharase no Olímpic de l’Ateneu contra o conxunto dirixido por Pere Varias (domingo 7, 12:30h).
O partido, tal e como ocurría en 2023, poderase seguir online de balde pola canle de YouTube de OK Liga TV. Estará dirixido polos árbitros Sergi Mayor Oliván e Alberto Pérez Pérez, con Daniel Pico Ramos como auxiliar.
Coa Copa do Rei no horizonte
A clausura da primeira metade desta fase regular definirá unha vez máis ós equipos que disputarán a Copa do Rei. O torneo eliminatorio por excelencia do territorio nacional xogarase en Calafell a principios do mes de marzo, cos oito primeiros da volta inicial de OK Liga como participantes.
O Liceo ocupa actualmente a cuarta posición con 18 puntos
Como cuarto clasificado vive agora o Deportivo Liceo, con 18 puntos acumulados e dous máis que o umbral entre o ben e o mal. É quinto o Calafell, sexto o Reus (ambos tamén con 18), sétimo o Voltregà (17) e oitavo o PAS Alcoi (16). Empatados cos alcoianos, pero fóra dos postos de Copa, están o Lleida e o Igualada.
Regreso de Dava Torres para buscar a racha
A primeira gran nova de 2024 en materia de convocatoria é a volta do capitán. Dava Torres formará parte novamente dunha lista de Juan Copa despois de superar as molestias físicas que o alonxaron da pista durante as últimas semanas.
Así as cousas, os dez elixidos polo técnico coruñés para esta importante proba son os seguintes:
- Martí Serra | Porteiro, 10
- Tiago Rodrigues | Porteiro, 33
- Sito Ricart | 2 | 4 goles en OK Liga e un en WSE Champions League
- Tomás Pereira | 4 | 4 goles en OK Liga e un en WSE Champions League
- César Carballeira | 5 | 13 goles en OK Liga, actual pichichi do Deportivo Liceo
- Dava Torres | Capitán, 8 | 6 goles en OK Liga e un en WSE Champions League
- Fabri Ciocale | 9 | 4 goles en OK Liga
- Fran Torres | 44 | 1 gol en OK Liga
- Guido Pellizzari | 54
- Pablo Cancela | 74 | 7 goles en OK Liga e un en WSE Champions League
O Liceo afrontará esta decimoterceira data de fase regular despois do bo sabor de boca logrado fronte ó PAS Alcoi. A visita do conxunto do sureste de España deixou unha vitoria verdibranca por 2-1, con tantos de Sito Ricart e Tomás Pereira.
Un Noia co Ateneu como fortín
A expedición coruñesa viaxará á pista do segundo clasificado, dono de 25 unidades. O seu Ateneu demostrou, un ano máis, a fortaleza que se lle presupón: presenciou tres triunfos, tres empates e nin unha soa derrota. É o único recinto no que o Barcelona, líder destacado da OK Liga, se deixou puntos.
Sumado o rendemento fóra do Ateneu, o conxunto catalán suma outras catro vitorias, outro empate e un só encontro perdido. É ademáis o terceiro equipo que máis goles anota (41) e o segundo que menos recibe (27).
O plantel dirixido por Pere Varias é o seguinte, así como a súa conta de goles. Son once xogadores ós que se lles deberá aplicar un descarte:
- Blai Roca | Porteiro, 20
- Jan Marimon | Porteiro, 89
- Aleix Esteller | 4 | 1 gol en OK Liga
- Xavi Costa | 6 | 9 goles en OK Liga
- Toni Salvadó | 8 | 3 goles en OK Liga e un en WSE Cup
- Jordi Bargalló | 9 | 7 goles en OK Liga
- Martí Gabarró | 27 | 7 goles en OK Liga e un en WSE Cup
- Humberto Mendes | 32 | 3 goles en OK Liga
- Pau Andreu | 49
- Xavi Rovira | 74 | 4 goles en OK Liga
- Iván Morales | 97 | 7 goles en OK Liga
