#ANOSAHISTORIA

#A
NOSA
HISTORIA

A NOSA ORIXE

Xogando ao Hockey sobre patíns desde 1972

O Club Deportivo Liceo La Paz fúndase no ano 1972. Os artífices do nacemento foron Augusto César Lendoiro, Javier Chaver e os directores da Escola Liceo La Paz, Antonio Pintor e Carlos Pérez Roca, sendo Felipe Marcos Nieto o primeiro presidente. Na tempada 1973/74, o novo equipo coruñés, que xa lucía as cores verde e branca en armonía coa escola que representa, logra o ascenso de categoría.

Na década dos 70, o Hockey Club Liceo Banco Simeón militou en Primeira División ata quedar subcampión na tempada 78/79, o que permitiu o ascenso á máxima categoría do hockey nacional.

Nesa primeira campaña, o Hockey Club Liceo Camisas Texman rematou 7º.

O NOSO PALMARÉS

Moitas victorias ao longo de 50 anos

A etapa máis gloriosa dos liceístas coincidiría coa entrada dos 80, onde se acadarían os primeiros e algún dos máis importantes títulos para as vitrinas verdibrancas. Nesa década dourada, os nosos firmarían un total de 16 títulos nacionais e internacionais, sen dúbida un éxito sen precedentes en Galicia.

Actualmente, o Deportivo Liceo é un dos equipos máis relevantes e respetados do panorama internacional, sendo o seu palmarés o máis grande na historia do deporte galego.

COPA DO REI 2021 | A MÁIS ESPECIAL

Campións na nosa casa

Dentro dun contexto global aínda asolado pola pandemia do coronavirus, a celebración da Copa do Rei de 2021 (inicialmente prevista para 2020) foi unha luz dentro dunha situación todavía complicada.

Baixo o mando de Juan Copa, o Deportivo Liceo alzouse co título no Pazo dos Deportes de Riazor ó vencer ó Barça tras un vibrante 3-2. Os goles foron obra de Jordi Adroher (2) e do canteirán César Carballeira.

Esta Copa tan especial rematou, ademáis, cunha etapa de case dúas décadas sen levantar o entorchado. Foi a número 10.

TEMPADA 21/22 | DOBRE CAMPIÓN

A OK Liga e a Supercopa viaxaron á Coruña

O curso 21/22 de hockey sobre patíns tivo clara cor verdibranca. A OK Liga e a Supercopa de España foron a Galicia despois duns meses memorables do Deportivo Liceo de Juan Copa.

O 17 de xuño de 2022, tras un playoff case perfecto coronado no Palau d'Esports de Reus, chegou o oitavo título de liga. Coincidiu, casualidade ou non, co ano do 50º Aniversario liceísta.

Meses antes, en setembro de 2021, a Supercopa foi unha realidade despois de vencer de novo ó Barça. O Liceo fíxoo co mesmo resultado có da Copa do Rei de 2021: 3-2, esta vez con tres goles de Jordi Adroher.

O colexio no que empezou todo recibiu ós dobres campións coa mellor das galas.