7 de setembro de 2023
O Deportivo Liceo xogará contra o Reus o sábado 23 de setembro (16:00h) no Pavelló Olímpic da mesma cidade.
Tras semanas de incerteza, a Supercopa de España xa conta con horarios definitivos. No que respecta ó Deportivo Liceo de Juan Copa, abrirá oficialmente a tempada 23/24 o sábado 23 de setembro ás 16:00h. O seu rival será o Reus Deportiu co Pavelló Olímpic da cidade homónima como sede única do torneo.
O partido corresponderá á segunda semifinal da competición, xa que a primeira (Barça-Calafell) abrirá a acción o mesmo sábado ás 12:00h. Os gañadores de ambas enfrontaranse o domingo 24 ás 12:30h na gran final.
Toda a Supercopa será retransmitida en directo e de balde en OK Liga TV e en Esport3. As entradas para desfrutala no Pavelló pódense adquirir no seguinte enlace.
