27 de maio de 2024
Ante o coñecido cambio de orde dos cinco partidos entre Barcelona e Reus Deportiu, correspondentes ás semifinais polo título da OK Liga, o Hockey Club Liceo desexa manifestar o seguinte:
- As Bases de Competición da Real Federación Española de Patinaxe, concretamente no seu punto 9.1, rixen claramente e sen lugar a interpretacións a orde na que se debe disputar a eliminatoria.
- Desde o Hockey Club Liceo entendemos que o réxime de competición non debe variarse ad hoc en función dos intereses e da situación de calquera club. En caso de seguir adiante con estes cambios, entenderíamos que se crearía un perigoso precedente.
- Segundo as nosas dificultades loxísticas, esta entidade é a primeira interesada nun xeito de actuar flexible con respecto ó regramento, posibilitando así maiores facilidades a tódolos clubes na súa loxística competitiva.
