“Coa Copa gaña o noso club, gaña a cidade, a provincia e Galicia”

0bd25057-660e-40b1-87f3-7a35fecee1d3

O vicepresidente do Deportivo Liceo, Emilio Fernández, agradeceu o respaldo das administracións e dos patrocinadores para facer posible que A Coruña sexa a sede na que se celebre a Copa do Rei e da Raíña de hóckey masculina e feminina sobre patíns 2019-2020. Ademais, o directivo herculino lembrou que o evento permitirá “seguir dando pasos” no obxectivo de que o club “continúe gañando afeccionados, creza en todos os ámbitos e xere aínda máis ilusión da que logrou espertar co gran inicio de competición que estamos a protagonizar”.

No acto de presentación, Fernández lembrou que desde que a actual directiva fixésese cargo da entidade hai un ano, un dos grandes retos era poder celebrar un evento que “reunirá aos mellores equipos de España e permitirá presenciar partidos de moitísimo nivel”.

“Para nós é un reto en todos os sentidos, pero estamos seguros que seremos capaces de organizar unha gran copa da que todos sairemos gañando: o noso club, a nosa cidade, a nosa provincia e Galicia”, apuntou nun acto no que tamén estivo a responsable de Deportes da Deputación da Coruña, Cristina Capelán.

A rexedora, Inés Rey, no seu discurso, destacou que “somos unha cidade na que o stick forma parte do noso imaxinario grazas ás cores verdibrancas desde hai máis de 40 anos” e que xa pasou un decenio desde a última Copa do Rei con “sabor atlántico”. Rey espera que o evento atraia ao público da casa, fieis ao Deportivo Liceo, e tamén a afeccionados de fóra, “nesa intención de fomentar o turismo deportivo.

Pola súa banda, o delegado territorial da Xunta na Coruña, Ovidio Rodeiro destacou que “o deporte e os deportistas realizades unha actividade que mobiliza emocións e sentimentos, pero sobre todo, inflúe nas actitudes e comportamentos das persoas; a través da transmisión de valores todos eles tremendamente positivos: a capacidade do esforzo; o reto da superación; a necesidade da perseveranza, a igualdade entre compañeiros, o respecto e a deportividade cos rivais, entre outros moitos”.

O delegado territorial recalcou que desde hai 10 anos este evento non ten como sede de celebración Galicia e puxo en valor que a súa celebración supón un impacto para a cidade da Coruña de máis de 550.000 euros porque están previstas máis de 1.500 pernoctaciones hostaleiras e a presenza de máis de 10.000 espectadores.

Share on facebook
Share on twitter
Share on linkedin
Share on pinterest

Deixa un comentario