24 de outubro de 2023
Existirán dous turnos con tres modalidades de estancia: pensión completa, media pensión e adestramentos. Os alumnos do Colexio Liceo gozarán dun 10% de desconto.
Como é tradición, o Hockey Club Liceo organizará un ano máis o seu Campus de Nadal. As inscricións da edición de 2023 xa están abertas para que os máis pequenos disfruten do hockey sobre patíns nas instalacións do Colexio Liceo La Paz.
Poderán facelo da man dos nosos monitores, técnicos e incluso xogadores do primeiro equipo, que participarán en cada un dos dous turnos previstos.
Para completar o proceso tan só haberá que seguir os seguintes pasos.
- Cumplimentar o documento de inscrición (enlace a Google Drive). Enviar a administracion@hockeyclubliceo.com.
- Tarxeta sanitaria do neno/nena. Enviar a administracion@hockeyclubliceo.com.
- Abonar a cantidade da modalidade elixida ó número de conta facilitado no documento de inscrición. Enviar xustificante do ingreso a administracion@hockeyclubliceo.com.
- Enviar o DNI do neno/a e do pai/nai/tutor a administracion@hockeyclubliceo.com.
O teléfono de contacto para apuntarse e/ou solicitar máis información será o 673 30 51 64 (Keko Verdía).
Modalidades e prezos
Como se anunciou anteriormente, o Campus de Nadal 2023 contará con dous turnos: o primeiro irá do 26 de decembro ó mediodía do 29 de decembro de 2023, mentres que o segundo se celebrará do 2 de xaneiro ó mediodía do 5 de xaneiro de 2024.
Á vez, haberá tres modalidades diferentes, TODAS ELAS CUN 10% DE DESCONTO PARA ALUMNOS E ALUMNAS DO COLEXIO LICEO:
- PENSIÓN COMPLETA | A cantidade por un turno ascende ós 300€, sendo 500€ se se opta por ambos. A estancia terá lugar no propio Colexio Liceo.
- MEDIA PENSIÓN | 200€ por un turno e 300€ por ambos. Horario de 9:30h a 20:30h.
- ADESTRAMENTOS | 130€ por un turno e 240€ por ambos. Horario de 9:30h a 14:00h e de 16:00h a 20:30h.
Súmate ó Campus de Nadal e vive as festas sobre rodas!
