Aforo dun máximo de 300 persoas para o choque ante o Taradell

Serán seleccionadas pola antigüedade dos socios que envíen un correo electrónico a administracion@hockeyclubliceo.com.
EjA2QLCXcAEh8pP

Tras presentar un protocolo de actuación ás autoridades sanitarias da Xunta de Galicia, o DEPORTIVO LICEO pode confirmar que o aforo máximo permitido no Pazo dos Deportes para o choque ante o CP Taradell (venres 2 de outubro, 20:45h) será de 300 persoas.

Estas 300 persoas serán seleccionadas a través dun criterio único: a antigüedade dos socios que envíen un correo electrónico a administracion@hockeyclubliceo.com de 9:00h a 21:00h do 30 de setembro. Deberán facilitarse nome, apelidos, DNI e número de móvil dos interesados.

De manera excepcional, tamén se poderá solicitar a asistencia a través do seguinte número de teléfono: 981 131 451 (de 17:00h a 21:00h do 30 de setembro). Además, teranse en conta dúas variantes para realizar esta criba de forma máis xusta e responsable:

  • Aos portadores dun carnet familiar, que engloba a un máximo de catro socios, só se lles permitirá a entrada a dúas de esas persoas.
  • Os socios que non entren na criba de 300 asistentes ao choque ante o Taradell terán prioridade nos próximos partidos.

Os socios seleccionados recibirán ao longo do xoves 1 de outubro (vía WhatsApp) a información sobre a hora na que deberán acceder ao Pazo dos Deportes e a porta pola que o deberán facer.

O Deportivo Liceo segue traballando para que este número sexa maior en futuros compromisos, sempre baixo as condicións que permitan un exercicio responsable coas circunstancias sanitarias actuais.

Share on facebook
Share on twitter
Share on linkedin
Share on pinterest

Deixa un comentario