3 de maio de 2025
Imaxe: MANU BOUTUREIRA.
O Deportivo Liceo recibirá ó Voltregà en Riazor co obxectivo de prepararse para os playoffs polo título (domingo 4, 12:00h).
O partido número 26 desta Fase Regular é inminente e iso só pode significar unha cousa: a cercanía dos playoffs polo título. A OK Liga poñerá este domingo en Riazor (12:00h) un punto e aparte para todos, entre eles un Deportivo Liceo que todavía debe recibir ó Voltregà no Pazo dos Deportes. Sen xa nada que xogarse clasificatoriamente falando, o encontro servirá para que os de Juan Copa fagan comuñón con todos os Liceístas presentes neste tramo decisivo do curso.
A xornada, novamente unificada, estará dirixida en Riazor polos árbitros Jonathan Sánchez García e Luis Mier Sánchez. Francisco José Martínez Suárez será o seu auxiliar.
O último antes dos playoffs
A segunda praza é unha realidade para o Deportivo Liceo desde fai varias semanas. Os seus 55 puntos froito de 18 vitorias, 6 derrotas e un empate aseguran matemáticamente unha posición que dá o factor pista nos playoffs, como mínimo, ata a final.
O Liceo xogará nos Cuartos de Final dos playoffs contra o que acabe sétimo: Lleida, Noia ou Calafell
O rival nos Cuartos de Final será o que acabe como sétimo, unha praza a disputar nesta última xornada por ata tres contendentes: o Lleida (actual poseedor), o Noia ou o Calafell. Un deles será o que, a partir da fin de semana do 17 de maio, se enfrontará ós de Juan Copa ó mellor de tres por un posto nas semifinais.
Todos dispoñibles e un descarte
Juan Copa contará co mesmo bendito problema da semana pasada: ter a todo o seu plantel dispoñible. Iso significa que debe realizar un descarte, que neste caso será Bruno Saavedra. Tato Ferruccio, que non saltou á pista no duelo recente ante o Reus, volverá á lista.
Así as cousas, os dez xogadores que loitarán por sumar os tres puntos serán os seguintes:
- Martín Rodríguez | Porteiro, dorsal 1
- Martí Serra | Porteiro, 10
- Nil Cervera | 2 | 4 goles en OK Liga
- Arnau Xaus | 3 | 21 goles en OK Liga
- César Carballeira | 5 | 12 goles en OK Liga
- Jacobo Copa | 7 | 7 goles en OK Liga
- Dava Torres | Capitán, 8 | 9 goles en OK Liga
- Fabri Ciocale | 9 | 9 goles en OK Liga
- Pablo Cancela | 74
- Tato Ferruccio | 77 | 3 goles en OK Liga
Un Voltregà salvado a última hora
Non foi a mellor tempada dos de Sant Hipòlit, aínda que a súa boa racha das últimas semanas evitou que tivera un final cruel. O fantasma do descenso xa está definitivamente lonxe para o Voltregà, que acudirá a Riazor a tres puntos da queima pero cos golaveraxes a favor.
O exliceísta Àlex Rodríguez é o pichichi da competición a falta desta última xornada
Actualmente o conxunto de Ferran López é noveno con 28 unidades resultado de 7 vitorias, 7 empates e 11 derrotas. Todo cunhas filas de gran presenza exliceísta: Àlex Rodríguez (pichichi da OK Liga), Jordi Burgaya ou Arnau Canal.
Os homes que viaxarán a Riazor serán os seguintes:
- Miki Estrada | Porteiro, dorsal 1
- Oriol Codony | Porteiro, 96
- Èric Vargas | Capitán, 3 | 7 goles en OK Liga
- Jordi Burgaya | 7 | 11 goles en OK Liga
- Xavi Armengol | 8
- Aleix Molas | 9 | 4 goles en OK Liga
- Humbert Serra | 11 | 4 goles en OK Liga
- Gerard Teixidó | 21 | 7 goles en OK Liga
- Àlex Rodríguez | 27 | 29 goles en OK Liga
- Arnau Canal | 49 | 11 goles en OK Liga
