9 de febreiro de 2026
O Alcoi será o rival dos verdibrancos nos Cuartos de Final da competición.
A Copa disputarase en Sant Sadurní do 19 ó 22 de marzo.
O Hockey Club Liceo xa coñece ó seu rival para os Cuartos de Final da Copa do Rei. Será o Alcoi, un dos tres conxuntos que lle podían tocar debido á condición de cabeza de serie do cadro coruñés.
A Copa disputarase do 19 ó 22 de marzo e o Liceo debutará o venres 20. Ocorrerá na sede única do Olímpic de l’Ateneu, dentro da localidade catalá de Sant Sadurní de Noia.
En caso dun hipotético triunfo, as semifinais disputaríanse o sábado 21 contra o gañador do enfrontamento entre Igualada e Voltregà. A gran final terá lugar o domingo 22. En tódolos casos, os horarios todavía están por confirmar.
