13 de agosto de 2025
Os dous amistosos terán lugar en Portugal o 27 e o 28 de agosto.
A presente Pretemporada empeza a tomar forma cos seus dous primeiros amistosos. Juventude Pacense e HC Braga serán os rivais inaugurais do Hockey Club Liceo nesta fase de preparación para o curso. Ambos encontros celebraranse en terras portuguesas o 27 (mércores) e o 28 (xoves) de agosto, respectivamente; con horarios e pistas por confirmar.
Juan Copa contará para ese amistoso con todo o primeiro equipo salvo César Carballeira e Blai Roca, que se atopan nos adestramentos da Selección Española previos ó Campionato de Europa. Disputarase do 1 ó 6 de setembro na localidade portuguesa de Paredes.
Pola súa parte, a primeira proba oficial para os Liceístas celebrarase o sábado 20 de setembro, dentro das semifinais da Supercopa de España. O rival será o Barça.
