10 de abril de 2025
Os xogadores do Deportivo Liceo forman parte da convocatoria definitiva de Pere Varias para a competición que terá lugar do 14 ó 19 de abril.
Jacobo Copa e Nil Cervera xogarán o inminente Europeo sub-23. Esa foi a decisión de Pere Varias, que fai un mes xa incluira ós liceístas na súa preselección para a cita continental. Ambos superaron o corte, polo que serán da partida para a competición que terá lugar en Sant Sadurní do 14 ó 19 de abril.
España está encadrada no Grupo A xunto a Suiza, Italia e Portugal; e debutará contra os primeiros o vindeiro luns 14 ás 20:30h. O martes 15 e o mércores 16, á mesma hora, enfrontarase respectivamente ós transalpinos e ós lusos. Tódolos partidos poderanse ver en directo en WSE TV ou no sitio web da Federación Española de Patinaxe.
A convocatoria completa de Pere Varias é a seguinte:
