23 de outubro de 2025
O Liceo afrontará a sexta xornada da Fase Regular como primeiro clasificado (sábado, 20:00h, La Bonaigua).
É o momento de viaxar a La Bonaigua, fogar do Sant Just. Ó Liceo agárdalle alí un obxectivo claro: defender o liderado e seguir progresando neste inicio de tempada. As 20:00h do sábado implicarán unha nova proba dentro da presente OK Liga, unha que estará dirixida polos árbitros Albert Barba e Iván González.
Catro vitorias e un empate para colocarse en cabeza
As tres vitorias logradas nos tres encontros da pasada semana, unha delas no Palau Blaugrana do Barça, auparon ós xogadores de Juan Copa ata o posto máis alto da clasificación. Probablemente cunha carga máis anecdótica que efectiva tendo en conta a prontitude da situación, pero tamén é unha motivación evidente para seguir medrando antes de que chegue o máis intenso do curso.
O Liceo suma actualmente 13 puntos de 15 posibles debido ó empate ante o SHUM e os triunfos fronte a Calafell, Barça, Rivas e Cerdanyola. Persiguen desde cerca varios conxuntos como Igualada e Reus, ambos con 12 unidades.
Mesma convocatoria para despedir o mes
O de Sant Just será o último partido de outubro, un para o que Juan Copa contará coa lista habitual do que vai de curso. Continúa a baixa temporal de Fran Torres, dentro da recta final da súa recuperación física.
Fran Torres afronta a recta final da súa recuperación
Os dez homes que sairán a patinar a La Bonaigua serán os seguintes:
- Martín Rodríguez – Porteiro, dorsal 1
- Blai Roca – Porteiro, 20
- Nil Cervera – 2 – 2 goles
- Arnau Xaus – 3 – 3 goles
- César Carballeira – 5 – 6 goles
- Jacobo Copa – 7
- Dava Torres – Capitán, 8 – 1 gol
- Nuno Paiva – 11 – 3 goles
- Bruno Saavedra – 13 – 5 goles
- Toni Pérez – 57 – 2 goles
Un Sant Just con necesidade de puntos
O equipo de Mia Ordeig vive nestes momentos unha racha complicada, a pesar do seu bo inicio de OK Liga. Se ben sumou catro puntos de seis nas dúas primeiras xornadas, actualmente acumula ata tres derrotas seguidas contra Barça, Calafell e Igualada.
Uns resultados que colocan ó Sant Just na antepenúltima posición, só unha por encima do descenso directo pero con todavía moito por decidir. Os cataláns buscarán cambiar esa racha na visita do Liceo.
