28 de novembro de 2025
O Liceo (tercero) e os cataláns (quintos) xogarán este sábado 29 ás 19:00h.
O Voltregà será o rival co que o Liceo cumprirá a décima data desta Fase Regular de OK Liga. O sábado ás 19:00h, con Riazor como testemuña, verdibrancos e branquiazuis enfrontaranse nun duelo de altura: terceiros contra quintos. Os árbitros David Cantos e Oriol Garriga serán os encargados de impartir xustiza neste gran choque ligueiro.
En busca do terceiro triunfo seguido
Juan Copa e os seus xogadores viven un bo momento na máxima categoría do hockey nacional. Ocupan actualmente a última praza do podio da Fase Regular con 20 puntos, dous menos que os colíderes Igualada e Barcelona. Por detrás queda o Reus (cuarto) con 16 e o propio Voltregà con 15 unidades.
O Liceo vén de vencer en OK Liga ó Reus e ó Noia
Aínda que do pasado non se vive, o Liceo chegará en forma a pesar da derrota sufrida no último choque oficial contra o Barcelos (WSE Champions League). Os dous compromisos anteriores de OK Liga, sen embargo, resultaron en dúas grandes vitorias fronte ó mencionado Reus (4-3) e ante o Noia con remontada incluida (1-3).
Superada esta proba, os galegos deberán viaxar á pista do Caldes para afrontar a undécima data de competición (sábado 6 de decembro, 20:00h).
Todos dispoñibles a falta dun descarte obrigado
Copa terá o bendito problema de elixir un xogador para ser descarte obrigado, posto que conta con todos os do plantel á súa disposición. Regresan definitivamente Fran Torres, Bruno Saavedra (xa con minutos en Barcelos) e o porteiro Martín Rodríguez.
Polo tanto, dez dos seguintes once homes sairán á pista para disputar o encontro ante o Voltregà:
- Martín Rodríguez – Porteiro, dorsal 1
- Blai Roca – Porteiro, 20
- Nil Cervera – 2 – 4 goles
- Arnau Xaus – 3 – 4 goles
- César Carballeira – 5 – 6 goles
- Jacobo Copa – 7
- Dava Torres – Capitán, 8 – 2 goles
- Nuno Paiva – 11 – 5 goles
- Bruno Saavedra – 13 – 5 goles
- Fran Torres – 44
- Toni Pérez – 57 – 5 goles
Un Voltregà en boa forma
O equipo dirixido por Ferran López está a completar un inicio de temporada realmente positivo en canto ó clasificatorio. Ocupa a quinta posición con 16 puntos, froito de catro triunfos, tres empates e só dúas derrotas. Aterrizará en Riazor ademais cun excelente precedente, posto que venceu por 3-1 ó Sant Just na novena xornada.
A nivel goleador destacan tres exliceístas, autores da maioría dos 24 tantos do Voltregà: Álex Rodríguez, Arnau Canal e Jordi Burgaya. Entre todos suman un total de 16.
