Deportivo Liceo – Telecable | Apoia ó equipo nun duelo de máximo nivel!

Tódolos liceístas que o desexen teñen a posibilidade de acudir á terceira xornada da OK Liga Feminina (sábado 20, 18:00h, Pazo dos Deportes).

A terceira data da OK Liga Feminina suporá, de novo, un enfrontamento de quilates. O Pazo dos Deportes de Riazor recibirá ó Telecable, un dos rivais más perigosos da competición, pero o potencial do Deportivo Liceo e o apoio das gradas serán vitais neste duelo de poder a poder.

Por iso, o sábado ás 18:00h necesitaremos a maior cantidade de gorxas posible! Coma sempre, podes animar ó equipo sexas socio do Liceo, abonado do Real Club Deportivo ou público xeral sen ningún dos dous carnets. A continuación explicamos como.

Abonados do Real Club Deportivo

Haberá 500 pases gratuitos dispoñibles. Non existirá máis custo que o tempo adicado á xestión, a realizar mediante o seguinte link de Cluber:

As persoas que apliquen esta posibilidade terán a obriga de presentar dous documentos nos aledaños do Pazo: o código QR proporcionado por Cluber e o carnet do Real Club Deportivo. Serán indispensables para acceder.

Socios do Deportivo Liceo

O segundo escenario aplicarase ós socios do Deportivo Liceo, que deberán mostrar o código QR do seu carnet dixital no momento da entrada. Será a medida habitual mentres se xestionen os pases físicos. Polo tanto, non será necesaria maior xestión.

Público xeral

Por outra parte, o público xeral que desexe asistir ó encontro conta con entradas dispoñibles a un inmellorable prezo de 5€ cada unha. Adquiriranse de forma online mediante outro link de Cluber:

Liceístas, non hai excusas: agardámosvos o sábado en Riazor!

Share on facebook
Share on twitter
Share on linkedin
Share on pinterest

Deixa un comentario