28 de xuño de 2024
César forma parte da lista de Guillem Cabestany, seleccionador do combinado español absoluto. Jacobo, por outra parte, será unha das pezas do equipo sub-19.
César Carballeira disputará os World Skate Games 2024 co combinado español. Iso decidiu Guillem Cabestany, seleccionador nacional absoluto, á hora de conformar o grupo que viaxará a Italia no mes de setembro. A competición senior masculina celebrarase do 16 ó 22 dese mes na cidade de Novara.
España está encadrada no Grupo B xunto a Italia, Francia e Chile. No A, pola súa parte, xogarán Arxentina, Portugal, Angola e Estados Unidos. A lista completa da selección é a seguinte:
Jacobo Copa, con España sub-19
Por outro lado, o recén incorporado Jacobo Copa será un dos xogadores que defenderá ó combinado español da categoría. A competición sub-19 disputarase do 8 ó 14 de setembro na mesma cidade de Novara.
