27 de marzo de 2026
O Liceo xogará contra o Voltregà (domingo 29, 12:30h) antes de vivir un parón competitivo.
Nin sequera se cumprirá unha semana do undécimo título de Copa do Rei cando o Liceo teña que saír a patinar ó Oliveras de la Riva de Voltregà. Boa definición do duro camiño do conxunto coruñés, aínda que a ilusión no lle gaña ninguén. Non só polo recente logro na competición do KO, senón tamén polo gran rendemento que está a rexistrar na da regularidade.
Catro partidos para a conclusión da Fase
Este domingo ás 12:30h será o momento de disputar a xornada 23 de competición, dentro do total de 26 coas que conta a Fase Regular da OK Liga. Despois desta só restarán tres.
Todo isto co Liceo inmerso nunha inmellorable primeira posición grazas ós 53 puntos que acumularon ata o momento. Son cinco máis que o Barcelona (segundo) e seis máis que o Igualada (terceiro) a falta de doce por xogar. Este é o importante colchón co que todavía viven os verdibrancos despois de tres empates consecutivos contra o Noia, o Reus e o propio Igualada. Só suman, ademáis, unha única derrota en 22 partidos.
Tras xogar en Sant Hipòlit chegará un parón competitivo dunha semana debido á Copa de Nacións. Isto implica que a OK Liga non regresará para o Liceo ata o sábado 11 de abril, cando se enfrontará en Riazor ó Caldes (19:00h).
Continúa a baixa de Toni Pérez
No referente a convocatoria a única ausencia coa que deberá lidiar Juan Copa é a do xogador asturiano, ó que todavía lle faltan varias semanas para regresar á dinámica de grupo. O resto de homes do plantel estarán á total disposición do técnico, sendo os seguintes:
O Liceo conta con cinco puntos de vantaxe con respecto ó segundo a falta de doce por xogarse
- Martín Rodríguez – Porteiro, dorsal 1
- Blai Roca – Porteiro, 20
- Nil Cervera – 2 – 8 goles
- Arnau Xaus – 3 – 9 goles
- César Carballeira – 5 – 16 goles
- Jacobo Copa – 7 – 1 gol
- Dava Torres – Capitán, 8 – 11 goles
- Nuno Paiva – 11 – 13 goles
- Bruno Saavedra – 13 – 9 goles
- Fran Torres – 44 – 1 gol
Un Voltregà co obxectivo de afianzar o playoff
O equipo de Sant Hipòlit ocupa actualmente a sétima praza da OK Liga dentro das oito que dan pase á loita polo título. Faino con seis puntos de vantaxe con respecto ó noveno, pero as matemáticas todavía din que o Voltregà deberá loitar para asegurar a súa presenza na fase. Tamén facelo desde a mellor posición posible.
O duelo da primeira volta, sen embargo, non terminou da mellor forma para os intereses branquiazuis. A súa visita a Riazor deixou un triunfo local por 6-1 grazas ós tantos de Nil Cervera, Arnau Xaus e Dava Torres (todos con dobretes).
